KB Rahoveci ka njoftuar se kanë arritur marrëveshje transferimi me basketbollistin nga Orleans, Tyree Griffin.
Përmes një njoftimi në faqen e tyre zyrtare, klubi nga Rahoveci ka njoftuar se kanë arritur marrëveshje me basketbollistin amerikan.
Tyre Griffin së fundmi ishte pjesë e skuadrës nga Serbia, Mladost, teksa në pjesën e mbetur të sezonit do ta veshë fanellën ‘kaltër e bardhë’.
“Basketbollisti nga Orleans, që së fundi u paraqit për skuadrën serbe Mladost, për pjesën e mbetur të sezonit do ta djersitë fanellën tonë. Padyshim se me zbarkimin e tij në ‘Mizahir Isma’ rriten apetitet, megjithëse do të vazhdojmë kokëulur, ashtu siç i ka hije një klubi serioz, ku puna dhe angazhimi i pashoq janë atributet kryesore që e karakterizojnë” – thuhet në njoftimin e KB Rahovecit.







