Zyrtare: Kosovare Asllani transferohet te Real Madridi
Tashmë është zyrtarizuar nga vetë futbollistja shqiptare, që luan për Suedinë.
Futbollistja më e mirë shqiptare për momentin, Kosovare Asllani është përforcimi më i ri i Real Madridit.
CD Tacon nga viti i ardhshëm 2020/21 do të quhet Real Madrid. Ky klub ka zyrtarizuar Asllanin, e cila bëhet futbollistja e parë shqiptare që luan për klubin mbretëror.
Lojtarja shqiptare e cila shkëlqeu në Kupën e Botës, kështu bën një hap në karrierën e saj, më të madhin deri më tani.
Ajo ka luajtur për klube të njohura si PSG dhe Manchester City.
Në Suedi ajo njihet si “Zlatani femër” për shkak të aftësisë së saj teknike.