Zyrtare: Ismet Munishi largohet nga Prishtina
Trajnerit Ismet Munishi i ka kushtuar me humbjen e vendit të punës, disfata nga Malisheva, 1:2. Vetëm një ditë pasi FC Prishtina pësoi humbje, nga skuadra e cila lufton për mbijetesë, drejtuesit e klubit kryeqytetas morën këtë vendim.
Më posht gjeni njoftimin e postuar në faqen zyrtare të FC Prishtina në Facebook:
Faleminderit Ismet Munishi!
Bordi i FC Prishtinës ka vendosur që ta ndërpresë bashkëpunimin me trajnerin Ismet Munishi.
Një vendim i tillë ka ardhur për shkak të mos arritjes së rezultateve të dëshiruara në ndeshjet e fundit.
FC Prishtina e falëndëron përzemërsisht Munishin për punën e bërë në skuadër.
Skuadrën aktualisht do ta drejtojë trajneri Debatik Curri dhe ndihmësit e tjerë deri në një vendim të ri.
