Mbrojtësi kosovar, Ilir Krasniqi, karrierën e tij do ta vazhdoj në Ukrainë, më saktësisht te skuadra e Kolos Kovalivka.

Klubi i Llapit ka konfirmuar marrëveshjen e arritur për transferimin e Krasniqit.

“Pas disa ditësh bisedime me klubin ukrainas, marrëveshja është zyrtarizuar brenda afatit kohor të transferimeve dhe Krasniqi do vazhdoj karrierën në klubin Kolos Kovalivka”, thuhet në njoftimin e Llapit.

Krasniqi ka zhvilluar 121 ndeshje me fanellën e Llapit, prej të cilave ka shënuar katër gola e ka dhuruar po aq asistime.

Me Llapin, Krasniqi ka arritur që për dy vite me radhë të shpallet fitues i Kupës së Kosovës.