Zeqiri rezervist në humbjen e Brightonit
Andi Zeqiri ka qenë rezervist në humbjen që Brightoni e ka pësuar sot në udhëtim ndaj Wolverhamptonit me rezultatin 2:1, në kuadër të xhiros së 35-të të Premier Leagues së Anglisë.
Zeqiri u aktivizua në minutën e 78-të, por nuk arriti të gjente golin.
Brightoni fillimisht kaloi në epërsi me anë të Le]is Dunkut në minutën e 13-të, por Wolverhamptoni përmbysi çdo gjë në pjesën e dytë.
Adama Traore (76’) dhe Morgan Gibbs-White (90’) shënuan për Wolverhamptonin. Brightonit iu përjashtuan dy lojtarë me karton të kuq. Dunk u ndëshkua në minutën e 53-të, ndërsa Neal Maupay në minutën e 97-të.
Pas 35 xhirove Brightoni zë vendin e 15-të me 37 pikë, ndërsa Wolverhamptoni është i 12-i me 45 pikë.
