Pa përhapjen masive të koronavirusit, mbrëmjen e djeshme ne “Wembley” do të duhej të luhej ndeshja miqësore mes Anglisë dhe Italisë, por situate e krijuar bëri që të ndërpriteshin të gjithë aktivitetet sportive.

Megjithatë Federata Angleze e Futbollit ka dhënë një mesazh për t’u përshëndetur, pasi ka ngjyrosur stadiumin mitik “Wembley” me tringjyrëshin e flamurit Italian, ndërsa në ekranin gjigant u shpalos edhe një mesazh ku thuhej: “Jemi të ndarë, por jemi bashkë. Forca Itali”.

Although we couldn't welcome you to Wembley tonight, we are with you @azzurri.

This is a battle that must be faced together, with unity. #StayHomeSaveLives. pic.twitter.com/j9YMpdMRDn

— Wembley Stadium (@wembleystadium) March 27, 2020

Mesazhi ka bërë xhiron e botës shumë shpejt, ndërsa edhe kreu i Federatës Italiane të Futbollit nuk ka ngurruar të falënderojë homologët e tij anglezë, duke u shprehur se futbolli e dha mesazhin e tij bashkues përsëri.

Italia është vendi më i prekur nga koronavirusi.

Deri më tani kanë ndërruar jetë mbi 9 mijë persona nga COVID-19, derisa janë infektuar mbi 80 mijë.