Vritet me thikë një grua në Suedi, gjatë një eventi politik
Një grua rreth 60 vjeç, është vrarë me thikë gjatë një konvente kombëtare të politikanëve në Suedi.
Krimi u krye nga një burrë 33-vjeçar, i cili u bllokua menjëherë nga një kalimtar dhe më pas u arrestua, shkruan Reuters.
Sipas mediave lokale, sulmuesi është i lidhur me një grup neo-nazist, “Lëvizja e Rezistencës Nordike”.
Sulmi ndodhi në ishullin Baltik të Gotland. Gruaja, e cila u qëllua në gjoks u dërgua me urgjencë në spital, por ndërroi jetë pak kohë më pas.
Festivali politik njëjavor është një ngjarje vjetore që tërheq turma mijëra njerëz ndërsa politikanët mbajnë fjalime.
