Personi me inicialet H.K, që la të vrarë sot gruan e tij, gruan e djalit e më pas vrau veten kishte qenë i njohur për drejtësinë, pasi që edhe një vit më parë kishte tentuar të vrasë gruan.
Të njëjtit policia disa herë ia kishte konfiskuar armët disa herë, por H.K kishte blerë armën përsëri.
Në vendin ku ndodhi ngjarja kishte qenë prezente edhe një vajzë dy vjeçare.
T7 raporton nga vendi i ngjarjes, ndërkaq, sipas informacioneve të para, thuhet se personi që kreu vrasjet kishte qenë me sëmundje mendore.
Vlora Ahmeti nga Policia e Kosovës ka konfirmuar për Ballkani.info se bëhet fjalë për vrasje të trefishtë.
Ajo tregoj se po dyshohet për një vdekje të dyshimtë, ku vrasja është kryer më armë zjarri, ku mbeten të vrarë tre persona.
“Sot rreth orës 13:20, policia ka marrë informacionin për nje vdekje te dyshimte ne rrugen “Bill Klinton” në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore. Nga informacionet e para në vendin e ngjarjes dyshohet se nga arma e zjarrit janè vrare tre persona. Vdekjen e viktimave e ka konstatuar ekipi mjekesor ne vendngjarje. Aktualisht njësitet policore janë duke punuar ne sqarimin e të gjitha rrethanave që kanë të bëjnë me rastin”, ka thënë Ahmeti për Ballkani.info.







