Veprimi i shëmtuar i Emiliano Martinez me Mbappen – as Messi nuk intervenoi

Emiliano Martinez bëri një shaka brutale me Kylian Mbappen gjatë paradës së fitores së Argjentinës në Buenos Aires.

Argjentinasit u kurorëzuan mbretërit e futbollit botëror, pas fitores spektakolare ndaj Francës në finalen e Kampionatin Botëror në Katar.

Lionel Messi dhe Angel di Maria shënuan dy gola përpara përfundimit të pjesës së parë, derisa Mbappe shënoi dy gola brenda 97 sekondash në dhjetë minuta përpara përfundimit të ndeshjes.

Edhe vazhdimet kishin gola, derisa përfunduan 3-3, ndërsa në penallti, Argjentina doli në krye pasi fitoi 4-2 në 11 metrsha.

Gjatë penalltive, Martinez bëri një pritje vendimtare, duke pritur goditjen e Kingsley Coman. Gjatë dhënies së trofeut, portierit të Aston Villas iu dorëzua Doreza e Artë pasi u shpall portieri më i mirë i turneut.

Ndërsa skuadra fitimtare e Argjentinës zbarkoi përsëri në Buenos Aires, miliona tifozë u rreshtuan në rrugët e qytetit për të përshëndetur heronjët kombëtar.

Kredia e imazhit: Twitter/@StokeyyG2

Gjatë festës, Martinez u pa duke trokitur mbajtur një foshnje kukull, e në të ishte fytyra e Mbappes, gjersa afër tij ishte edhe kapiteni Lionel Messi.

Shtatë herë fituesi i Topit të Artë vetëm e shikonte dhe nuk intervenoi që ta ndalonte këtë veprim të shëmtuar. /Telegrafi/