Vedat Muriqi e ka shënuar golin e tretë rresht për Fenerbahçen dhe e ka vazhduar shkëlqimin te skuadra e madhe turke nga Stambolli. 

Sulmuesi i Kosovës shënoi edhe të dielën në fitoren 2:0 të Fenerbahçes në udhëtim te Samsunspori, në xhiron e tretë të Superligës turke. 

Muriqi shënoi që në minutën e tretë për 1:0. Ai realizoi me gjuajtje të saktë nga zona. Muriqi, i cili luajti deri në minutën e 64-t, gola shënoi edhe ndaj Konyasporit në Superligën e Turqisë dhe ndaj Lyonit në ndeshjen kthyese të plejofit për në Ligën e Kampionëve. Ndaj Konyasporit e regjistroi edhe një asistim. 

Pra i ka tri gola e një asistim në tri ndeshjet e fundit. 

Sulmuesi Oguz Aydin, i cili asistoi në golin e Muriqit, shënoi për 2:0 në minutën e 50-të. 
Fenerbahçe në tri ndeshje i ka gjashtë pikë.