Vdes mërgimtarja 25-vjeçare nga Kosova në një aksident trafiku në Gjermani
Bëhet e ditur se një aksident trafiku ka marrë jetën e një vajze kosovare në Gjermani.
Sipas raporteve të para nga policia gjermane, thuhet se ngjarja ka ndodhur në Leipzing, ku vetura në të cilën ishte A.T. (femër 25-vjeçare) kishte aksidentuar, duke humbur jetën.
Ndërkohë, edhe kryetari i Deçanit, Bashkim Ramosaj, ka njoftuar për vdekjen e kosovares A.T nga Pobërgja, në një aksident trafiku në Leipzig të Gjermanisë.
Ramosaj shkruan se lajmin për ndarjen nga jeta të 25-vjeçares e ka pranuar me pikëllim të thellë, teksa ka ngushëlluar familjen dhe të gjithë qytetarët e Deçanit.
Postimi i tij i plotë:
Me pikëllim të thellë pranuam lajmin për ndarjen nga jeta të bashkëvendëses tonë A.T nga Pobërgja, në moshën 25-vjeçare në një aksident trafiku në qytetin Leipzig të Gjermanisë.
Nga zemra u shpreh ngushëllimet me të sinqerta familjes Tolaj dhe gjithë qytetarëve të Deçanit.
Zoti ua lehtësoftë dhimbjen!.
