Mbrojtësi francez

Varane mbetet jashtë fushave pas lëndimit në kofshë

Real Madridi ka konfirmuar se Raphael Varane ka pësuar një lëndim në kofshë pas përballjes në “El Clasico” kundër Barcelonës.

Mbrojtësi francez u zëvendësua në pjesën e dytë të takimit të së dielës, ndërsa 25 vjeçari pritet të mbetet jashtë fushave për një kohë të papërcaktuar.

“Pas testeve të kryera nga stafi mjekësor i Real Madridit është dalluar një lëndim i Varane në muskulin e kofshës së djathtë. Situata e lojtarit do të monitorohet në ditët në vazhdim”, shkruhet në njoftimin e Real Madridit.

Varane është paraqitur në 9 nga 10 ndeshjet këtë sezon në La Liga, ndërsa është kritikuar shumë për formën e dobët që ka shfaqur.

Përveç Varanes, edhe Mariano Diaz ka pësuar një lëndim në kofshë dhe gjendja e tij do të vëzhgohet poashtu në ditët në vijim.