Valon Berisha mund t’i bashkohet Etrit Berishës te Spali
Aventurës së Valon Berishës te Lazio po i vjen fundi.
Pas Riza Durmishit një tjetër futbollist shqiptar po përgatit largimin nga bardhekaltrit.
Drejtori sportiv Igli Tare po përpiqet t’i gjejë një sistemim mesfushorit të përfaqësueses së Kosovës në merkaton e janarit, pasi Berisha po gjen shumë pak hapësira në formacionin e Simone Inzaghit.
Mesfushori 26-vjeçar i ardhur nga Salzburg në verën e vitit 2018 te Lazio për rreth 8 milionë euro, është i gatshëm të largohet edhe në formë huazimi pasi dëshiron të jetë në formë sa më të mirë për impenjimet e ardhshme me Kosovën në fazën play off të Ligës së Kombeve që do zhvillohet në mars të 2019-ës.
Spal është ekipi i parë që ka shfaqur interesim për mesfushorin kosovar, aty ku luan edhe Etrit Berisha.
