Shukri Buja nga reaguar lidhur me protestën e djeshme në Prishtinë, ku në një moment, shihen disa policë teksa rrahin një protestues.

Buja, ka thënë se protestuesi është Gazmend Bytyqi, i cili është veteran i UÇK’së.

‘’Serbia e goditi me plumba, por nuk e rrëzoi. Përballoj dhimbjen, plagët dhe tmerrin e luftës, sepse e dinte për çfarë po luftonte. Por sot… e rrëzoi dora e një polici të shtetit për të cilin ai dhe shokët e tij derdhën gjak’’, ka shkruar ai mes tjerash.

Postimi:

Gazmend Bytyqi, një plagë e gjallë e lirisë sonë…

Ishte ushtar i Njësisë Speciale në Zonën Operative të Nerodimes.

Serbia e goditi me plumba, por nuk e rrëzoi. Përballoj dhimbjen, plagët dhe tmerrin e luftës, sepse e dinte për çfarë po luftonte.

Por sot… e rrëzoi dora e një polici të shtetit për të cilin ai dhe shokët e tij derdhën gjak.

Ajo dorë nuk goditi vetëm një veteran.

Goditi plagët tua.

Goditi sakrificën tënde.

Goditi lirinë që e fituat me gjak.

Turp për atë dorë, për urdhërdhënësit dhe për këdo që hesht përballë kësaj padrejtësie!

E ti, Gazmend, mbetesh ajo që ke qenë gjithmonë: emblemë e lirisë.

Më dhemb për ty, bashkëluftëtari im.

Më dhemb edhe më shumë kur shoh se si trajtohet liria për të cilën luftuam.

Respekt përjetë, Gazmend.

Bashkëluftëtari yt,

Komandanti i ZON,

Gjeneral Shukri Buja