Emisari amerikan

Trump i ka dhënë mandat të plotë Grenellit për të ndihmuar arritjen e një marrëveshje të shpejtë për Kosovën

Emisarit të ri amerikan për dialogun Kosovë-Serbi i është dhënë një mandat i plotë nga presidenti i Shteteve të Bashkuara, Donald Trump, për të ndihmuar në arritjen e një marrëveshjeje mes Prishtinës dhe Beogradit sa më shpejt të jetë e mundur, ka bërë të ditur një zyrtar i afërt me presidentin e Kosovës, Hashim Thaçi, i cili nuk ka dashur që të identifikohet.

Kështu raporton agjencia amerikane e lajmeve “Bloomberg”, në një shkrim të botuar sot.Richard Grenell, i cili është njëkohësisht ambasador i SHBA-së në Gjermani, ka biseduar sot me Presidentin Thaçin në Prishtinë si dhe me zyrtarë të tjerë, pas zgjedhjeve të parakohshme, të mbajtura të dielën.

Sipas zyrtarit anonim, të afërt me Thaçin, Grenell ka thënë se mosmarrëveshja ndërmjet dy fqinjëve ballkanikë përbën një çështje urgjente që duhet të zgjidhjet brenda disa muajsh.“Bloomberg” raporton se të dy palët i kanë ndërprerë bisedimet vitin e kaluar.

Grenell gjithashtu është takuar me fituesin e zgjedhjeve në Kosovë, Albin Kurti dhe me kryeministrin në largim, Ramush Haradinaj, të cilin Kurti pritet ta zëvendësojë.

“Ambasadori nuk ka dhënë detaje se si mund të duket një marrëveshje e mundshme”, ka thënë zyrtari i afërt me Thaçit.Ideja e shkëmbimit të territoreve është përmendur në të kaluarën, por përballet me kundërshtime të fuqishme nga nacionalistët në të dyja anët dhe nga Bashkimi Evropian, raporton “Bloomberg”.Grenell do të udhëtojë të enjten për në Serbi, ku do të takohet me presidentin e atjeshëm, Aleksandar Vuçiq.

Vizita e emisarit amerikan mund të shënojë një ndryshim të rrjedhave, teksa BE-ja prej vitesh ka udhëhequr në ndërmjetësimin e diskutimeve ndërmjet ish-rivalëve të luftës.Sipas “Bloomberg”, fqinjët janë dukur afër një marrëveshjeje të mundshme, kur Vuçiq dhe Thaçi kanë sugjeruar që dy vendet t’i lejojnë njëra-tjetrën t’i integrojnë zonat e populluara nga etnitë e tyre.

Por, bisedimet kanë dështuar, kur Serbia ka lobuar me sukses kundër përpjekjeve të Kosovës për t’iu bashkuar forcës policore ndërkombëtare, Interpol, duke nxitur Kosovën të vërë taksë hakmarrëse ndaj mallrave të Serbia, e cila përshkallëzoi tensionet mes dy vendeve, kujton “Bloomberg”.

loading…