Endri Çekiçi është vetëm 22 vjeç, por karrierën e ka si një veteran, ashtu si edhe fatin e keq e ka pasur me tepricë.

Fantazisti shqiptar ka vuajtur nga dëmtimet në Kroaci dhe transferimi në Slloveni tek Olimpija në janar ishte një tentativë për të nisur gjithçka nga zero.

Në javët e fundit 22-vjeçari është kthyer në nivelet e tij më të larta, sepse ka luajtur rregullisht me ekipin nga Lubjana, duke shënuar në dy ndeshjet e shkuara.

??Goool❗️ Endri Cekici je popeljal Olimpijo do vodstva s 3:0! @PrvaLigaSi #plts #PrvaLiga #football #soccer #footballseason #sportal #sportalgoool #goool #goal #MAROLI pic.twitter.com/tU6jNu7V8Q

— Sportal Goool (@SportalGoool) May 11, 2019

Sot Olimpija u përball me Mariborin, që e ka fituar para kohe titullin kampion, por është sfida më e madhe në Slloveni dhe natyrisht interesimi ishte i madh.

Olimpija e ka dërrmuar që në pjesën e parë Mariborin, duke shënuar 3 gola në 35 minuta. Meritë edhe e Çekiçit, autor i golit të tretë. Kombinime fantastike, gjuajtje klasi, Çekiçi është kthyer ai i vërteti!