Trajneri i Zvicrës konfirmon nëse Shaqiri është i gatshëm kundër Serbisë
Përzgjedhësi i Përfaqësueses së Zvicrës, Murat Yakin ka konfirmuar se lojtari shqiptar, Xherdan Shaqiri është i gatshëm për ndeshjen e të premtës kundër Serbisë në takimin vendimtar në Kupën e Botës.
Serbia dhe Zvicra do të përballen në rrethin e fundit të Grupit G dhe fitorja është jetike për dy skuadrat për kualifikim tutje.
Yakin në konferencën e mbajtur sot për media pohoi se Shaqiri është i gatshëm të luajë kundër Serbisë.
“Shaqiri dhe Okafor janë gati të luajnë nesër. Yann Sommer dhe Nico Elvedi janë të ftohur, por të dy do të jenë në formë nesër”, tha Yakin në konferencë, njofton Blick.ch, transmeton Demokracia.com.
Xherdan Shaqiri asistoi në golin e fitores për Zvicrën në takimin kundër Kamerunit 1:0.
