Therje me thikë në qendër të Pejës, policia në ndjekje të të dyshuarve
Një përleshje mes disa personave ka ndodhur në qendër të Pejës.
Si pasojë e kësaj, një person (i mitur) ka pësuar lëndime trupore nga mjeti i ftohtë (thikë).
Rasti në fjalë është konfirmuar nga zëdhënësi i policisë për rajonin e Pejës, Driton Rugova.
“Një person ka pësuar lëndime trupore dhe i njëjti është dërguar për tretman mjekësor”, tha Rugova.
Rugova tha poashtu se lidhur me rastin janë njoftuar rreth orës 21:50 dhe me të pranuar informatën, njësitë policore janë nisur për në vendin e ngjarjes.
“Të dyshuarit tanimë të njohur për policinë janë në arrati dhe policia po bën të pamundurën për t’i kapur”, shtoi ai
