Ka përfunduar takimi mes presidentit të Kosovës, Hashim Thaçi dhe kryeministrit Avdullah Hoti.

Të dy kanë thënë se kanë folur për zhvillimet e fundit në vend, e në veçanti për situatën me pandeminë.

Presidenti i Kosovës, Hashim Thaçi i cili për dallim nga Hoti në takim u shfaq pa maskë, tha se është informuar nga kryeministri për situatën me pandeminë në vend.

Ai po ashtu kërkoi pa dallim që të respektojnë të gjitha masat, e që një nga masat më të rëndësishme është edhe mbajtja e maskës.

“Diskutuam se si ta tejkalojmë sa më mirë, sa më lehtë e shpejtë Covid-19, që të respektohen të gjitha vendimet e ekspertëve dhe në këtë proces duhet të kemi një respektim të plotë të masave pa dallim”, u shpreh Thaçi.