Ten Hag
Ten Hag vlerëson lartë futbollistët e tij: Ishte një fitore masive në Villa Park
Manchester United ka marrë një fitore shumë të rëndësishme të dielën pasdite ku mposhti Aston Villan në udhëtim me rezultat 1-2.
Djajtë e Kuq zhvilluan një ndeshje të madhe dhe sigurisht që i lumtur me këto tre pikë ka qenë edhe trajneri Erik Ten Hag.
Tekniku holandez ka thënë se ndaj Villas ishte një fitore masive pasi kishin objektiv tre pikët dhe ia dolën.
“Është një fitore masive për ne. Ne jemi afruar dhe ky ishte synimi. Ishte absolutisht objektivi ynë dhe ia dolëm”.
“Mendoj se edhe mënyra se si e bëmë, më pëlqeu. Sigurisht që më pëlqeu veçanërisht 20 minutat e para kur ne diktuam lojën”.
“Më pas, mendoj se kemi rënë paksa shumë. Ne patëm momentet tona në kundërsulme, por për të luftuar nga 1-1 na bën shumë të lumtur për sot”, deklaroi Ten Hag.
Djajtë e Kuq arritën një tjetër fitore të madhe kundër Villas së vendit të katërt për të ulur diferencën në vetëm pesë pikë në tabelë.
