Tahiri publikon disa statistika: Krimi e korrupsioni gjatë Qeverisë Kurti u luftuan më pak se në 2019
Shefi i Grupit Parlamentar të PDK-së, Abelard Tahiri, njëherit ish-ministër i Drejtësisë, ka thënë se Vetëvendosje po mashtron në lidhje me statistikat e publikuar rreth operacioneve kundër krimit e korrupsionit.
Ai ka publikuar disa statistika të viteve 2021 dhe 2019, duke thënë se Qeveria e Kurtit ka treguar rezultate shumë më të dobëta.
“Lëvizja Vetëvendosje paska publikuar disa statistika rreth operacioneve kundër krimit të organizuar dhe korrupsionit duke tentuar të manipulojë qytetarët përmes disa shifrave të cilat kanë kuptim vetëm nëse analizohen me periudhat paraprake”, ka shkruar Tahiri.
Postimi i plotë i tij në Facebook:
Lëvizja Vetëvendosje paska publikuar disa statistika rreth operacioneve kundër krimit të organizuar dhe korrupsionit duke tentuar të manipulojë qytetarët përmes disa shifrave të cilat kanë kuptim vetëm nëse analizohen me periudhat paraprake.
Nëse krahasojmë vitin 2021 me vitin 2019, rezulton që në fakt gjatë Qeverisë Kurti, krimi i organizuar e korrupsioni është duke u luftuar dukshëm me pak se sa në vitin 2019. Statistikat e mëposhtme tregojnë pasqyrën e vërtetë të situatës.
Në fushën e krimit të organizuar, krimeve të rënda, krimeve ekonomike dhe korrupsionit si dhe terrorizmit situata është si më poshtë:
Bastisje dhe lokale të kontrolluara, 57% më pak në vitin 2021 (1072) në krahasim me vitin 2019 (2481);
Operacione të realizuara, 51% më pak në vitin 2021 (571) në krahasim me vitin 2019 (1156);
Kallëzime penale, 49% më pak në vitin 2021 (1091) në krahasim me vitin 2019 (2122)
Persona të arrestuar, 39% më pak në vitin 2021 (1356) në krahasim me vitin 2019 (2233)
Raste të trajtuara, 37% më pak në vitin 2021 (1613) në krahasim me vitin 2019 (1613)
Në fushën e trafikimit me narkotikë:
Kallëzime penale, 60% më pak në vitin 2021 (541) në krahasim me vitin 2019 (1363)
Numri i personave të dyshuar në kallëzime penale, 55% më pak në vitin 2021 (738) në krahasim me vitin 2019 (1641)
Persona të arrestuar, 51% më pak në vitin 2021 (792) në krahasim me vitin 2019(1625)
Raste të iniciuara, 50% më pak në vitin 2021 (726) në krahasim me vitin 2019 (1450)
Konfiskim i bimëve të kanabisit, 65% më pak në vitin 2021 në krahasim me vitin 2019
Konfiskim i heroinës, 53% më pak në vitin 2021 në krahasim me vitin 2019
Konfiskim i marihuanës, 39% më pak në vitin 2021 në krahasim me vitin 2019
Në luftën kundër krimeve ekonomike dhe korrupsionit:
Raste të hetuara, 48% më pak në vitin 2021 (339) në krahasim me vitin 2019 (658)
Kallëzime penale, 45% më pak në vitin 2021 (300) në krahasim me vitin 2019 (541)
Numri i personave të dyshuar në kallëzime penale, 35% më pak në vitin 2021 (736) në krahasim me vitin 2019 (1124).
