Sekretari Organizativ i Aleancës për Ardhmërinë e Kosovës (AAK), Gazmend Syla, ka thënë se është marrëzi politika e Kurtit për shtrirjen e sovranitetit në veri. 

Syla ka komentuar deklaratën e Kurtit se ‘kufiri i lirisë është marrëzia’.

“Kufiri i lirisë është marrëzia”, e citoi dikë Kryeministri Kurti mbrëmë pas sulmit terrorist në Ibër. Albin, gabim e ke kuptuar këtë citim. Marrëzia është aty ku ti ke menduar që është kufiri. Kur je ti gabim, nuk është marrëzi me të treguar. Është marrëzi politika jote e shtrirjes së sovranitetit dhe ti tashmë e di për këtë”, ka thënë Syla.

Reagimi i plotë: 

“Kufiri i lirisë është marrëzia”, e citoi dikë Kryeministri Kurti mbrëmë pas sulmit terrorist në Ibër. 

Albin, gabim e ke kuptuar këtë citim. 

Marrëzia është aty ku ti ke menduar që është kufiri. Kur je ti gabim, nuk është marrëzi me të treguar. Është marrëzi politika jote e shtrirjes së sovranitetit dhe ti tashmë e di për këtë. 

Albin ,marrëzi është politika jote e jashtme, pastër anti-amerikane dhe kundër aleatëve tonë të tjerë. Është marrëzi propaganda jote e brendshme për sukseset e tua. 

Është marrëzi fjala jote se kemi zhvillim ekonomik 6.2%. 

Është marrëzi me thënë që diaspora po kthehet sepse kemi zhvillim ekonomik. 

Është super marrëzi me thënë që kush është kundër VV-së është me Vuçiqin. 

Është marrëzi që zagarët si Bajqinovci, Dimali, Gola po ua gjuajnë në qafë luftëtarëve të lirisë që trupin ende e kanë me plumba e oborrin me varre të heronjve.

Albin, po e përmbylli me një citim sikur ti: “Një njeri mund ta mashtrosh tërë jetën, njëherë mund ta mashtrosh edhe tërë popullin. Por kurrë nuk mundesh me mashtru tërë popullin tërë jetën”.