Sot tri super ndeshje në Ipko Superligë, kryesorja mes Prishtinës dhe Gjilanit
Prishtina me trajner të ri, Armend Dallkun, e pret sonte në stadiumin Fadil Vokrri liderin e Ipko Superligës, Gjilanin, në atë që shihet si ndeshja më interesante e javës së gjashtë në ligën elitare kosovare.
Kampioni në fuqi Feronikeli, ndërkohë, do të luajë në udhëtim kundër Dukagjinit, ndërsa dueli tjetër i së dielës zhvillohet mes Dritës dhe Trepçës ’89 në Gjilan.
Bardhekaltrit do të kenë punë mjaft të vështirë pasi do ta kenë përballë liderin e ligës, në ndeshjen që do të zhvillohet të dielën mbrëma.
Duel interesant pritet të jetë edhe ai në mes të Dritës dhe Trepçës ’89.
“Intelektualët” e kanë nisur mjaft mirë sezonin e ri dhe duan t’i mbajnë të tria pikët në shtëpi.
Në anën tjetër, mitrovicasit shkojnë në Gjilan për ta marrë së paku një pikë.
Flamurtari – Llapi është një tjetër ballafaqim me interes dhe fituesi pritet të jetë i paqartë deri në fund.
Kampioni Feronikeli do ta vizitojë skuadrën e pafuqishme, Dukagjini, kurse Ballkani llogarit në fitoren e radhës kundër Vushtrrisë.
Dueli i fundit i së hënës do të jetë ai në mes të Ferizajt dhe Drenicës.
Të gjitha ndeshjet e javës së gjashtë të IPKO Superligës së Kosovës në futboll mund t’i shihni në Super Sport Kosova dhe këtë ua mundëson platforma televizive, IPKO.
IPKO Superliga – Java e gjashtë
SSK2 E diel 15:00 Drita –Trepça ’89
SSK3 E diel 15:00 Dukagjini – Feronikeli
SSK1 E diel 20:00 Prishtina – Gjilani
SSK1 E hënë 15:00 Ballkani – Vushtrria
SSK3 E hënë 15:00 Flamurtari – Llapi
SSK2 E hënë 15:00 Ferizaj – Drenica
