Shqipëria i shpëton turpit, ndalet në barazim përballë Andorrës
Shqipëria u ndal në barazim përballë Andorrës.
Mes vështirësive kuqezinjtë barazuan me rezultatin 2-2 në sfidën që u zhvillua në “Elbasan Arena” e vlefshme për eliminatoret në Euro 2020.
Pas 7 minutash lojë Bekim Balaj gjen rrugën e rrjetës duke zhbllokuar rezultatin. Pas një harkimi të Roshit nga e djathta, sulmuesi shkodran godet saktë me kokë duke tundur rrjetën!
Gëzimi i kuqezinjve nuk zgjati shumë pasi mbrojtësi Cristian Martinez Alejo mposhti portierin e Shqipërisë, Etrit Berishën.
Pjesa e dytë nisi shumë keq për Shqipërinë pasi miqtë përfitojnë nga “përgjumja” në mbrojtjen kuqezi dhe më pas përmbysin rezultatin në 1-2.
Është Rei Manaj ai i cili realizoi, pas asist të Roshit! Sulmuesi lushnjar godet bukur brenda zonës duke e dërguar topin në cepin e portës!
Pas këtij barazimi, Shqipëria renditet në vendin e katër të Grupin H me 13 pikë të grumbulluara, ndërsa Franca dhe Turqia kanë siguruar kualifikimin për në Kampionatin Europian.
