Shpërthejnë tifozët e Lazios, kritikojnë ashpër Muriqin pas ndeshjes me Milanin
Milan e ka mposhtur Lazion mbrëmë me rezultat 3-2 në një ndeshje e cila u vendos në sekondat e fundit të ndeshjes me një gol të Theo Hernandezit
Vedat Muriqi në këtë ndeshje u inkuadrua në pjesën e parë në vend të Caicedos i cili u lëndua.
Por, paraqitja e tij nuk i ka pëlqyer tifozëve të Lazios, të cilët e kanë gozhduar pas ndeshjes.
“Fenerbaçe na ka vjedhur. Muriqi nuk është as për Serinë B. Çfarë dështimi nga Tare”, ishte një prej komenteve të shumta për sulmuesin e Kosovës.
Derisa pas ndeshjes trajneri Inzaghi ka thënë se besonte që kjo do të ishte ndeshja e Muriqit, por që një gjë e tillë nuk ndodhi.
”Caicedo ka dalë nga ndeshja e fundit pak i lodhur. Muriqi më bindi në stërvitjen e djeshme pasi bëri mirë. Mendova se kjo do të ishte ndeshja e tij”, ka thënë Inzaghi.
