Shorti i Kupës së Kosovës: Ballkani pret Trepçën ’89, Feronikeli ballafaqohet me klubin e Ligës së Dytë
Sot në selinë e Federatës së Futbollit të Kosovës është hedhur shorti për ndeshjet e fazës së 1/8 të finales së Kupës së Kosovës në futboll.
Në këtë short morën pjesë 16 skuadra, të cilat vijnë nga tri nivelet e futbollit kosovar. Nëntë nga ekipet janë pjesë e Superligës së Kosovës, gjashtë prej tyre nga Liga e Parë dhe vetëm një nga Liga e Dytë.
Kampioni në fuqi i kësaj gare, Feronikeli, besohet se do ta ketë të lehtë, të paktën në letër, pasi që do të ndeshet me ekipin e vetëm nga Liga e Dytë, A&N nga Prizreni.
Ndërsa, ndeshja e cila merr më së shumti vëmendje është ajo mes dy klubeve të Superligës, Ballkanit dhe Trepçës ’89m ndeshje kjo e cila do të zhvillohet në Suharekë.
Lista e plotë e çifteve:
Feronikeli – Fc A&N
Drenica – Dardana
Vitia – Dukagjini
Trepça – Vushtrria
Gjilani – 2 Korriku
Arbëria – Prishtina
Ballkani – Trepça 89
Liria – Ferizaj
Këto ndeshje pritet të zhvillohet gjatë fundjavës së ardhshme, më datë 7 dhe 8 dhjetor.