Shoqëria civile kërkon nga Qeveria të tërhiqet nga presioni ndaj AKA-së
Organizata të shumta dhe iniciativa nëpërmjet një deklarate të përbashkët kanë kërkuar nga kryeministri Ramush Haradinaj, ministri i Arsimit Shyqyri Bytyrqi, dhe zyrtarë të tjerë të qeverisë, të tërhiqen nga presioni publik që po i bëjnë Agjencisë së Kosovës për Akreditim, por gjithashtu kanë kërkuar të mos marrin asnjë veprim për çështjet e akreditimit, pasi kjo do të ishte në kundërshtim me ligjet në fuqi, me parimin e funksionimit të pavarur të Agjencisë së Akreditimit dhe në kundërshtim të hapur me interesat e studentëve.
Në deklaratë thuhet se përjashtimi eventual i Agjencisë së Kosovës për Akreditim nga asociacioni evropian ENQA për shkak të ndërhyrjes në pavarësinë e saj, do t’i kushtojë studentëve të Kosovës, diplomat e të cilëve do të zhvleftësohen dhe procedurat për vazhdim të studimeve jashtë vendit do të vështirësohen.
“Ne zotohemi se do të bëjmë gjithçka që është në duart tona si qytetarë, organizata të shoqërisë civile dhe grupe të tjera aktive, për të mos lejuar cenimin e pavarësisë së Agjencisë së Kosovës për Akreditim dhe institucioneve të tjera të arsimit në vendin tonë”, thuhet në deklaratë.
27 organizatat dhe 6 individë të shoqërisë civile që mbështesin Këshillin Shtetëror të Cilësisë
ORCA – Organizata për Rritjen e Cilësisë në Arsim
KEC – Qendra për Arsim e Kosovës
Admovere
GLPS – Grupi për Studime Ligjore dhe Politike
D4D – Demokraci për Zhvillim
KFOS-Fondacioni për Shoqëri të Hapur
PIPS-Instituti i Prishtinës për Studime Politike
KCSF – Kosovo Civil Society Foundation
ATRC – Advocacy Training and Resource Center
CDF – Community Development Fund
CEL – Centre for Equality and Liberty
FES- Friedrich Ebert Stiftung, zyra në Prishtinë
IPOL
Ec Ma Ndryshe
KDI-Instituti Demokratik i Kosovës
Lëvizja FOL
IKS-Iniciativa Kosovare për Stabilitet
OJQ Global Shapers Community Prishtina
ISDI-Iniciativa për Zhvillim dhe Integrim Social
Terre des Hommes Kosovo
KYC – Kosovar Youth Center
YIHR-Youth Initiative for Human Rights
BPRG-Balkans Policy Research Group
Demokracia Plus
OJQ Mileniumi i Ri
OJQ Qendra e Rinisë Drenas
Kolektivi për Mendim dhe Veprim Feminist
Individët
Veton Surroi – Shkrimtar
Imer Mushkolaj – Analist
Hekuran Murati – analist
Berat Buzhala – Gazetar
Nora Ahmetaj – Aktiviste e të drejtave të Njeriut
Jeta Berisha – Aktiviste
