Për shkak të vonesave në liferim të infuzioneve, SHSKUK ka shkëputur kontratën me kompaninë që furnizonte me tretje fiziologjike nga Serbia.
Zyra për informim në SHSKUK, e cila përmes një përgjigje me shkrim, ka konfirmuar se kompanisë i është shkëputur kontrata me arsyetim se ka pasur vonesë në liferim të mallit, shkruan Gazeta Express.
Sipas kësaj zyre, SHSKUK ka udhëhequr procedurat e prokurimit dhe tashmë është lidhur kontratë e re dhe gjatë javës pritet furnizimi dhe stabilizimi në furnizim me tretje fiziologjike.
Me kontratën e re të lidhur nga SHSKUK, furnizimin do ta bëjë një kompani me tretje fiziologjike Braun nga Gjermania.







