Shkëmbi e vlerëson të madhe fitoren ndaj Trepçës ‘89

Trajneri i Ballkanit, Bledi Shkëmbi e ka vlerësuar të madhe fitoren në udhëtim ndaj Trepçës ’89. Ai ka thënë se futbollistët e tij kanë treguar lojë të mirë, ndërsa me plot meritë fituan ndeshjen në “Riza Lushta” në Mitrovicë.

Me fitoren 2:0, Ballkani është ngritur në vendin e parë me 55 pikë, sa ka edhe Drita, ndërsa 89-shi zë vendin e gjashtë me 32 pikë.

“Jemi dhe do të jemi në çdo ndeshje në presion. Ndoshta nuk kishim asnjë rast, por futbollistët bën një lojë të mirë ndaj një kundërshtari të vështirë. Morëm pikët e plota për të cilat edhe kishim ardhur me një lojë të mirë. Ne luajmë çdo ndeshje për të fituar, për të arritur synimet dhe shpresojmë që do t’ia dalim”, ka thënë Shkëmbi.