Ronaldo shpërthen në lot pasi sheh pamje të babait të tij (Video)
Cristiano Ronaldo nuk u ka bërë ballë emocioneve kur i është treguar një video e babait të tij.
Ronaldos i është treguar një video e babait të tij, Jose Dinis Aveiro, ku ai shihet teksa lavdëron të birin për të arriturat e tij dhe shprehet krenar me punën e lojtarit.
Videoja ishte xhiruar qysh para fillimit të Kampionatit Evropian 2004, dhe i është shfaqur Ronaldos në emisionin e Piers Morgan, për të bërë që lojtari të shpërthejë në lot.
“Nuk e kam parë asnjëherë këtë video. E pabesueshme. Nuk i kam parë asnjëherë këto pamje. Ku i keni gjetur.. Duhet t’ua tregoj familjes sime” ka thënë Ronaldo, i përlotur.
https://twitter.com/GMB/status/1173466139302813698?ref_src=twsrc%5Etfw%7Ctwcamp%5Etweetembed%7Ctwterm%5E1173466139302813698&ref_url=https%3A%2F%2Flajmi.net%2Fweb%2Ftweet-button
“Nuk kam arritur ta njoh 100% babanë tim, pasi ai ishte person i dehur. Nuk kam biseduar kurrë me të. Ishte e vështirë të bëja bisedë normale me të” ka shtuar ndër të tjerash portugezi.
Babai i CR7 nuk ka përjetuar momentet më madhështore të birit të tij, si triumfet në Ligën e Kampionëve, Topat e Artë, Euro 2016 dhe suksese të tjera. Ai ndërroi jetë kur Ronaldo ishte 20 vjeç.
