Robotët

Robotët në formë të gjarpërinjve do të mund të përdoreshin për ndërhyrje kirurgjikale për shpëtimin e jetëve të njerëzve

Kur bëhet fjalë për robotikën, duket se inxhinierët inspirimin e gjejnë tek gjarprit. Në të kaluarën kemi parë gjarpërinj-robotë që rregullojnë gypa në fund të oqeaneve, makineri të inspiruara nga gjarpri që kalojnë përmes rërës dhe tokës, si dhe ato që përdoren në raste emergjente.

Megjithatë, tani një ekip i Jessic Burgner – Kahrs në krye me drejtoreshën e Continuum Robotics Lab nga Universiteti i Toronto Missisauga – kanë zhvilluar një robot fleksibil në formë të gjarprit që mund të zgjatet dhe të përdoret në mjekësi për shpëtimin e jetëve të njerëzve, transmeotn Telegrafi.

Fjala është për robotët që mund të depërtojnë deri në ato zona të vështira në trupin e njeriut.

“Paramendojeni neurokirurgët që duan të heqin tumorin nga truri. Me përdorimin e instrumenteve tradicionale, kirurgu duhet të arrijë në masën kanceroze duke përcjell rrugën drejt trurit, dhe kështu rritet rreziku për ndonjë dëmtim vital. Burgner – Kahrs një ditë do të ketë gjarprin robot që do t’ju ndihmojë kirurgëve të gjejnë rrugën deri te objektivi – pa shkaktuar ndonjë dëmtim”, thanë hulumtuesit nga universiteti i lartpërmendur.

Këta gjarpërinj robotë do të sillnin revolucion në industrinë medicinale – e hulumtuesit po punojnë në modele të ndryshme që një ditë do të mund të kryenin punën krejtësisht të pavarur.

Natyrisht kirurgët do të duhej të operonin me robotët – por robotët edhe vet do të mund të kryenin punën.