Pas pushimit për ndeshjet kombëtare, Superliga e Kosovës rikthehet në aksion.
Sot do të zhvillohet java e 9-të dhe në program janë dy ndeshje nga ora 13:00.
Drenica do të jetë nikoqire e Feronikelit. Klubi nga Skenderaj është duke kaluar në një formë të mirë këtë sezon dhe gjendet në pozitën e 2-të me 14 pikë pas 8 ndeshjeve.
Në anën tjetër, Feronikeli nuk po kalon në formën më të mirë. Klubi nga Drenasi ka 10 pikë pas 8 ndeshjeve dhe është në pozitën e 7-të.
Ndeshja tjetër sot është ajo mes Ulpianës dhe Dritës.
Ekipi nga Lipjani më në fund këtë sezon mund të luaj ndeshjet si vendas në stadiumin e tyre “Sami Kelmendi”. Ulpiana është në pozitën e 9-të me 6 pikë pas 8 ndeshjeve.
Në anën tjetër Drita gjendet në vendin e 5-të me 12 pikë. Por, në 3 ndeshjet e fundit ata kanë 2 humbje dhe një barazim.







