Refuzoi Shqipërinë për Greqinë, Florian Durmishaj nuk dëshirohet më në shtetin helen
Disa muaj më parë shkëlqente në kampionatin grek, duke shënuar gola çdo javë, ndërsa në muajin mars vendosi të refuzojë Kombëtaren Shqiptare, për t’iu përgjigjur pozitivisht thirrjes së Greqisë, por që atëherë karriera e Fiorin Durmishajt nuk ka pasur ecurinë që pritej.
Sulmuesi u transferua në fillim të verës te gjigantët grekë të Olympiacosit, por nuk arriti të bindë trajnerin e skuadrës dhe ditën e djeshme u prezantua te belgët e Beverenit, ku është dhënë në huazim një vjeçar.
Durmishaj do të mbajë veshur fanellën me numrin 9 te Bevereni, një skuadër që ndodhet në vendin e fundit në kampionatin belg, me vetëm një pikë në 5 javët e para.
Ai pritet të vihet në dispozicion të skuadrës ditën e martë, një sinjal ky që këtë herë mund të jetë lënë jashtë edhe nga kombëtarja greke.
