Real Madridi nuk arriti të godasë portën e PSG-së gjatë tërë ndeshjes
Se Real Madridi pati një paraqitje të tmerrshme që rezultoi me humbje të turpshme 3-0 kundër Paris Saint-Germain të martën në Ligën e Kampionëve, tregon edhe fakti se djelmoshat e Zinedine Zidane nuk e patën asnjë goditje në kornizën e portës kundërshtare tërë ndeshjen.
Ish portieri i Real Madridit, Keylor Navas, nuk pati aspak punë në debutimin e tij në Ligën e Kampionëve me PSG-në, pasi ish bashkëlojtarët e tij nuk qenë në gjendje ta bënin qoftë edhe një goditje brenda kornizës së portës së tij në ndeshjen e gazës grupore në Paris.
Real Madridi, në fakt, i pati dy raste, Karim Benzema dhe Gareth Bale shënuan, por golat e tyre u anuluan, njëri për lojë me dorë dhe tjetri për faull.
0 – Real Madrid have failed to register a single shot on target in a Champions League game for the first time since 2003/04. Off. pic.twitter.com/HxdLfeBYpF
— OptaJose (@OptaJose) September 18, 2019
Sipas OptaJose, kjo është hera e parë që prej vitit 2003 që 13 herë kampioni i Evropës nuk bën qoftë edhe një goditje brenda kornizës së portës kundërshtare.
Ndërkohë, PSG-ja i pati 10 goditje në drejtimin të portës së Thibaut Courtois, pesë prej tyre brenda kornizës, ndërsa tri brenda rrjetës.