Real Madridi dhe Milani planifikojnë shkëmbimin e futbollistëve
Fantazisti spanjoll Isco ka përfunduar jashtë planeve të Zinedine Zidane dhe thuajse nuk po luan fare në këtë fillim sezoni, ndërsa mediat spanjolle konfirmojnë se futbollisti është në shitje dhe se pritet të largohet që në janar.
Mbrëmjen e djeshme ka qenë “Don Balon”, që ka dhënë lajmin se drejtuesit e Real Madridit kanë folur me ata të Milanit dhe u kanë ofruar një shkëmbim kokë më kokë mes Iscos dhe spanjollit të kuqezinjve Suso.
Ky i fundit po përdoret nga Giampaolo si fantazist, rol që duket se nuk po arrin ta interpretojë si duhet, ndërsa Isco do të ishte perfekt për skemën që dëshiron të aplikojë trajneri i kuqezinjve. Nga ana tjetër, te Reali, Suso do të mund të aktivizohej në të dy krahët e sulmit, në një rreshtim 4-3-3, që Zidane e ka shumë për zemër.
