Nenad Rashiq
Rashiq: Dikush tentoi prishjen e ceremonisë së inaugurimit të 34 banesave në Graçanicë, serbët e Kosovës u kërcënuan
Gjatë ditës së djeshme është bërë përurimi i 34 banesave të reja në Graçanicë, në kuadër të projektit të qeverisë për strehim të familjeve nga radhët e komuniteteve joshumicë.
Pjesëmarrës ishte edhe ministri për Komunitete dhe Kthim, Nenad Rashiq.
Ai tha se është tentuar që kjo ceremoni të prishej.
Sipas ministrit Rashiq, atje madje u ndal edhe energjia elektrike.
“Kemi pas një kërcënim të hapur. Kush është ai që së pari e ka ndalë rrymën? Por shihet në fund se kush fitoi”
Ai madje deklaroi se dikush provoi edhe t’i kërcënojë serbët që u thirrën për ceremoninë e inaugurimit të banesave.
“Kush janë ata që i kanë thirr të gjithë banorët aty duke iu thënë se do ta humbin asistencën sociale nëse dalin në këtë ceremoni”, ka thënë Rashiq, sipas të cilit ai që e bën këtë veprim është anti-serb, pasi çdo hap i tillë i ndërmarrë nga këta persona është kundër interesave të serbëve.
