Rashica & Co. i bën dhuratë Bayernit, Dortmund shpërdoron avantazhin e dyfishtë (VIDEO)
Borussia Dortmund ka shpërdoruar avantazhin e dyfishtë ndaj Werder Bremen duke barazuar 2-2.
Me këtë remi, vendasit kanë shumë pak shpresa për titullin kampion teksa Bayern tani ka një avantazh prej 4 pikëve me dy ndeshje të mbetura.
Ishte blerja e re e Chelsea-t Christian Pulisic ai që zhbllokoi rezultatin në minutën e 6’ të takimit me një gol fantastik pas një aksioni personal.
Pak minuta përpara se skuadrat të ktheheshin në dhomat e zhveshjes Paco Alcacer dyfishoi me një goditje të bukur dënimi.
Sulmuesi ka shënuar tre gola nga goditjet standarde këtë sezon, më shumë se e gjithë skuadra në katër sezonet e fundit.
Megjithatë, Werder nuk u dorëzua dhe Mohwald ngushtoi diferencën në minutën e 70’ pas gafës së portierit Roman Burki. Ishte asistim i yllit kosovar, Milot Rashica.
Pesë minuta më pas, ish-sulmuesi i Bayern Munich i ka bërë një nder të madh kryesuesve të kampionatit me golin e tij.
Në minutat e mbetura ndeshja ishte e hapur, por rezultati mbeti i pandryshuar dhe tani kampionatit duket i mbaruar.
