Rashford flet pasi realizoi golin që kualifikoi Unitedin në çerekfinale

Sulmuesi i Manchester Unitedit, Marcus Rashford, ka folur pasi realizoi golin vendimtar të ndeshjes PSG-United në takimin e kthimit të 1/8 së finales në Ligën e Kampionëve.

Ai shënoi golin e tretë në fitoren 1 me 3 për të përmbysur humbjen nga dueli i parë që i takoi parisienëve 0 me 2. Golin Rashford e shënoi në minutat e fundit të ndeshjes nga një gjuajtje e fuqishme prej penaltisë.

“Vetëm ruajta qetësinë. Janë gjëra që i ushtrojmë përditë. Shënuam golin dhe kaluam në raundin e ardhshëm. Pritja para penaltisë ishte gjëja më e vështirë, por ne luajmë për këto momente”, ka thënë ai pas takimit për “BTSport”.