Ramos i del në mbrojtje Zidanes

Real Madridi do të luajë sonte në mbrëmje në Stamboll përballë Galatasarayt një sfidë vendimtare për fatin e kualifikimit në Ligën e Kampionëve, pasi në dy ndeshjet e para ka marrë vetëm një pikë.

Kjo sfidë shihet si mjaft e rëndësishme edhe për të përcaktuar fatin e Zinedine Zidane në pankinën madrilene, pasi starti në kampionat nuk është ai i duhuri dhe një tjetër hap fals edhe në Champions, vështirë se do të tolerohej nga Florentino Perez.

Megjithatë në krahë të 13 herë fituesit të Champions Leagues si trajner me Real Madridin, ka dalë kapiteni i “Los Blancos”, Sergio Ramos, që theksoi se të gjithë janë të bashkuar dhe mbështesin francezin.

“Jemi me trajnerin deri në vdekje dhe nesër duhet të fitojmë pasi nuk kemi rrugë tjetër. Jam lodhur duke folur për trajnerët, por Zidane meriton respekt dhe nesër duam të japim një sinjal se jemi të bashkuar të gjithë rreth tij”, deklaroi mbrojtësi dhe kapiteni i Realit.

loading…