Përveç shtrenjtimit të naftës, në Kosovë ka pasur rritje të çmimeve edhe në produktet bazike ushqimore. Përkundër çmimit tavan, kosovarët ankohen se nafta po kushton shumë.

1.70 centë: ky është çmimi tavan i përcaktuar nga Ministria e Industrisë, Ndërmarrësisë dhe Tregtisë për ditën e hënë.

Por, kosovarët po del të jenë ata që paguajnë gati më së shumti për deriviate krahasuar me vendet fqinje. Aktualisht, në Mal të Zi, një litër naftë kushton 1 euro e 48 centë.

Njëjtë sikurse në Maqedoninë Veriore. Sipas bursave ndërkombëtare, del që qytetarët e vendit tonë paguajnë 22 centë me shumë sesa dy vendet fqinje. Për këtë situatë kanë ankesa ata që më së shumti preken nga kjo.

Lidhur me këtë të shtunën, Shoqata e Naftëtarëve të Kosovësi ka dërguar letër kryeministrit Albin Kurti dhe ministres së Industrisë, Ndërmarrësisë dhe Tregtisë, Rozeta Hajdari, për t’i kërkuar largimin e çmimit tavan të derivateve.

Për kërkesën e tyre, nga kjo shoqata nuk pranuan të prononcohen, e as nga Qeveria nuk kthyen përgjigje për këtë çështje.

Në anën tjetër, Ruzhdi Kurtishaj, ish-kryetar i Shoqatës së Transportit Rrugor të Udhëtarëve zgjidhje për situatën me derivatet, po e sheh uljen e akcizës.

Krtikë për menaxhim të keq të gjendjes ka edhe një ish-ministër i Industrisë, Ndërmarrësisë dhe Tregtisë.

Ismet Mulaj pohon që disa kompani nuk po e respektojnë as çmimin që është i përcaktuar nga instituconi.

Përveç shtrenjtimit të naftës, në Kosovë ka pasur rritje enorme të çmimeve edhe në produktet bazike ushqimore.