Qëllohet Salman Rushdie në New York, shkrimtari prej vitesh kërcënohej me vdekje
Autori, Salman Rushdie, është sulmuar në Nju Jork ditën e sotme teksa po fliste në një event letrar.
Mediat raportojnë se autori është arrestuar menjëherë pas sulmit.
Rushdie ka vite që kërcënohet me vdekje nga Irani për romanin e tij Vargjet Satanike.
Ende nuk dihet gjendja e Rushdie.
Libri i Rushdie “Vargjet Satanike” është ndaluar në Iran që nga viti 1988, pasi shumë myslimanë e konsiderojnë atë si blasfemi. Një vit më vonë, lideri i ndjerë i Iranit Ayatollah Ruhollah Khomeini lëshoi një dekret, duke bërë thirrje për vdekjen e Rushdie.
Një shpërblim prej mbi 3 milionë dollarësh është ofruar gjithashtu për këdo që vret Rushdie.
Qeveria e Iranit është distancuar prej kohësh nga dekreti i Khomeinit, por ndjenjat anti-Rushdie vazhduan. Në vitin 2012, një fondacion fetar gjysmë zyrtar iranian e ngriti shpërblimin për Rushdie nga 2.8 milionë dollarë në 3.3 milionë dollarë.
Rushdie e hodhi poshtë atë kërcënim në atë kohë, duke thënë se nuk kishte “asnjë provë” se njerëzit ishin të interesuar për shpërblimin.
