Prishtina merr një fitore të madhe në udhëtim te Ferizaj
Prishtina ka fituar në udhëtim te Ferizaj me rezultat 2-0 në ndeshjen e vlefshme për javën e 10-të në Ipko Superligën e Kosovës.
Kryeqytetasit i janë kthyer fitores pas dy gabimeve ndaj Ballkanit dhe Drenicës, duke marr një fitore të madhe te Ferizaj.
Pjesa e parë e ndeshjes u karakterizua me lojë më të mirë të Prishtinës, të cilët përveç disa rasteve arritën të shënojnë edhe një gol.
Të parët ishin vendasit që shënuan me anë të Përparim Livorekës (17′), por goli i tij u anulua për pozitë jashtë loje, ndërsa Meriton Korenica (23′) me një gol të bukur kaloi Prishtinën në epërsi 1-0.
Pjesa e dytë, filloi gjithashtu më mirë për vendasit që qëlluan traversën me anë të Livorekës (50′), ndërsa vazhdimin e lojës e diktuan mysafirët.
Prishtina gjeti golin me Korenicën (83′), por iu anulua si i parregullt, ndërsa Ahmed Januzi (86′) vulosi fitoren e Prishtinës me rezultat 2-0.
Me këtë fitore, Prishtina e sheh veten në vendin e gjashtë me 17 pikë, ndërsa Ferizaj i nënti me nëntë pikë.
Në ndeshjen e radhës, Prishtina e pret Dritën, ndërsa Ferizaj udhëton te Trepça ’89.
