Presidenti i UEFA-s jep afatin e fundit kur duhet të përfundojë sezoni në Ligën e Kampionëve dhe Ligën e Evropës
Presidenti i UEFA-s, Aleksandar Ceferin ka pranuar se “play-off” në Ligën e Kampionëve dhe Ligën e Evropës ka një mundësi të ndodh, por në të dyja mënyrat sezoni duhet të përfundojë deri më 3 gusht.
I gjithë futbolli është pezulluar në ligat kryesore evropiane për shkak të pandemisë së coronavirus dhe nuk është e qartë se kur – ose me të vërtetë nëse – sezonet do të përmbyllen.
Ajo që ne kemi tani është një afat i caktuar, i vendosur nga Ceferin gjatë një interviste në stacionin televiziv gjerman ZDF.
“Duhet të përfundojë deri më 3 gusht, si Liga e Kampionëve, ashtu edhe Liga e Evropës”, ka thënë fillimisht i pari i fundit evropiane.
“Është një situatë e jashtëzakonshme në të cilën gjendemi, kështu që jemi fleksibël në datat dhe kohën e nisjes. Nëse kriza lehtësohet më herët, atëherë mund të fillojmë më shpejt”.
“Ne mund të luanim me sistemin aktual, ose me vetëm një ndeshje të luajtur në terren neutral. Tani për tani, është vetëm një mundësi për të luajtur me “Final Eight” ose “Final Four””.
“I vetmi vendim i gabuar që mund të marrim tani do të ishte të luajmë në një mënyrë që vë në rrezik shëndetin dhe sigurinë e lojtarëve, tifozëve dhe gjyqtarëve”.
“Sidoqoftë, nëse jemi në kushte të sigurta, atëherë nuk e shoh problem”, përfundoi Ceferin.
Ka shumë të ngjarë që kur ndeshjet të fillojnë përsëri, ato të luhen pas dyerve të mbyllura.
