Presidenca e Kosovës ka reaguar ndaj deklaratës së ministrit të jashtëm rus, Sergei Lavrov i cili deklaroi se Rusia e mbështet iniciativën e “Ballkanit të Hapur”, e cila është nismë e Beogradit.

Blerim Vela, shef i kabinetit të presidentes, Vjosa Osmani, ka thënë se tash po dëshmohet që “Ballkani i Hapur”, ka për qëllim hegjemoninë ruse në Ballkan.

Deklarata e kryekëshilltarit të Vjosa Osmanit erdhi pasi ministri i Jashtëm i Rusisë, Sergey Lavrov, ka thënë të hënën se “Ballkani i Hapur është iniciativë e Serbisë e që NATO dhe BE-ja nuk e kanë dashur pozicionimin e Rusisë në lidhje me këtë çështje”.

“Ministri i Jashtëm i Rusisë, Lavrov konfirmon hapur lidhjen në mes synimeve hegjemoniste të Rusisë në Ukrainë dhe synimeve hegjemoniste të Serbisë ndaj Kosovës. Për më tepër, Lavrov e sheh nismën e Ballkanit të Hapur si një instrument për promovimin e hegjemonisë rajonale nga Rusia dhe Serbia dhe për të prishur integrimin në BE dhe NATO”, ka shkruar Vela në Twitter, të martën.

❗️#Russia’s MFA Lavrov openly confirms the link between Russia’s hegemonic goals in #Ukraine to #Serbia’s hegemonic goals towards #Kosovo.

Moreover, Lavrov sees Open Balkan initiative as an instrument for promoting regional hegemony by RUS & SEB, and derail EU/NATO integration. pic.twitter.com/f3Pv2Pdu33

— Blerim Vela (@Blerim_Vela) June 7, 2022

Çfarë ka thënë Lavrovi?

Kryediplomati rus e kishte në agjendë që më 7 qershor ta vizitojë Serbinë.

Por, tri shtete ia ndaluan hapësirën ajrore, duke ia pamundësuar vizitën.https://reporteri.net/reklamap/www/delivery/afr.php?zoneid=18&cb=INSERT_RANDOM_NUMBER_HERE

Pas kësaj, ai në një konferencë për media ka thënë se “askush s’mund ta prishë Serbinë me Rusinë”.

Pos tjerash, ka folur edhe për “Ballkanin e Hapur”, duke hedhur Kritika ndaj NATO-s dhe Bashkimit Evropian.

“Shihet qartë se zyrtarët e Brukselit nuk kanë dashur që ne të konfirmojmë pozicionin tonë për Kosovën, Bosnjë-Hercegovinën dhe të shprehim përkrahjen për iniciativën e Beogradit ‘Ballkani i Hapur’”, kishte thënë Lavrov.

Lavrov, po ashtu ka përmendur sërish ndërhyrjen e NATO-s në Kosovë gjatë viteve 1999.