Bajram Begaj

Porto Romano bazë detare e NATO-s? Begaj: Pritet miratimi politik

Presidenti i Shqipërisë Bajram Begaj, bëri me dije në RTSH se baza detare e Porto Romanos tashmë është në agjendën e NATO-s

Pas takimit me komandantin e NATO-s, gjeneralin Christopher Cavoli, Begaj tha se është në planet e NATO-s që baza detare e Porto Romanos të përcaktohet si bazë mbështetëse për Aleancën dhe se tashmë pritet të marrë miratimin politik.

“Edhe kjo temë pati vendin e saj në diskutimin tonë dhe u vlerësua shumë ceremonia hapëse e bazës ajrore taktike të Kuçovës që për ne është një investim strategjik ndërsa për NATO-n është forcim i kapaciteteve në atë rajon he patjetër që NATO është një organizatorë politko-ushtarke që forcën nuk e ka vetëm te ushtria, por edhe politike. Duke qenë në atë rajon NATO dha mesazhin e plotë që është organizatë mbrojtëse dhe nëpërmjet mbrojtjes ajo mbron vlerat demokratike të asaj që ajo përfaqëson.

U diskutua edhe për objektivin tjetër madhor që ka Shqipëria për dhënien në dispozicion të Aleancës edhe të një baze detare dhe Portio Romano është vlerësuar nga Komanda Operacionale e Napolit dhe patjetër që është në planet e NATO-s për t’u përcaktuar si një bazë suportive. Nuk është më një dëshirë e jona por është futur në planet konceptuale të NATO-s për të marrë miratimin politik të saj sepse kuptohet që vlerësohet nga pikëpamja e strategjisë ushtarake dhe më pas merret vendimi politik”, deklaroi Presidenti i Shqipërisë.

VIDEO BONUS: Alarmon Lladrovci: Nuk ka ujë për shuarjen e zjarrit në fabrikë, cisternat po mbushën në Drenas