Ish-kryeministri Sali Berisha sulmoi policen Ina Nuka, e cila u plagos në dorë gjatë protestës së sotme para Parlamentit.
Me anë të një statusi në Facebook, Berisha e quajti “ndrikull” teksa publikoi një prej fotove që më herët postoi Ministria e Brendshme, ku shihet ministri Sandër Lleshaj. Berisha pohon se policja që është ulur në krevatin e spitalit është efektivja Ina Nuka, e cila humbi dy gishta pas shpërthimit të një kapsolleje.
Me ironi, Berisha i sugjeron polices që të ruajë gishtat “se mos ia vjedhin hajnat”.
Ndërkohë, kreu i grupit parlamentar të Partisë Socialiste, Taulant Balla ka reaguar përmes një mesazhi në Facebook. Ai i kundërpërgjigjet Berishës duke shtuar se policja në foto ka moshën e mbesës së tij.
Po ashtu, socialisti i ka kërkuar demokratit që të fshijë postimin dhe t’i kërkojë falje polices.
https://www.facebook.com/b.taulant/posts/1980345758677682?__xts__[0]=68.ARDXnwS2Lw2b5KvydAr5bGT-qrxScjZu1iJV8u2hhqUqgVugmg_y4GkqxJsVeB4i8Ila_ItTUuyNDHy9NVuMg_mHtBnX1QPCi3D87nOHqWIFC5DFXod_kDmVlajGair3WrxF4l74VudoIKlm9ZyTiL6DFdtSw7cgNjmlo20y5g9lYPHibpa_KUuvCT6JQaUG6viYG2LVGof89QW0eb17-27-d0Dxh3MkDF3vopcP9wc5JbAyQOAWlDVwKFA7AecYjnipIAW3Jo-XSMrmy-PmLJnbxpz0n4qs_0gd6ULDTRPa2IyqeJX_p8l6Z_vg-zDxoNdLdjiq_uGTrHN0FhArI2zBOA&__tn__=-R







