Policia e Kosovës ka nisur hetimet lidhur me vdekjen e një shtetasi të huaj në Prishtinë.

Përmes raportit 24 orësh, Policia ka bërë me dije se viktima ishte dërguar në shtëpinë e shëndetit pa shenja jete. Sipas bashkëshortes së tij, ai kishte pasur probleme shëndetësore ditëve të fundit.

“HETIM I VDEKJES – Prishtinë  30.05.2024 – 11:07. Është dërguar në shtëpinë e shëndetit pa shenja jete një mashkull me shtetësi të huaj, vdekjen e të cilit e ka konstatuar ekipi mjekësor. Gjatë intervistimit bashkëshortja/ femër kosovare ka deklaruar se i lartcekuri  ka pasur probleme shëndetësore ditëve të fundit. Me vendim të prokurorit, trupi i  viktimës është dërguar në IML për Obduksion”, thuhet në raport.