Presidentja Vjosa Osmani e ka lënë sot të takohet me liderët e partive opozitare.
Ajo në mëngjes u takua me kreun e Lidhjes Demokratike të Kosovës, Lumir Abdixhikun, e pastaj edhe me kryetarin e Aleancës për Ardhmërinë e Kosovës, Ramush Haradinajn.
Ndërkaq tash është konfirmuar që sot pasdite ajo do ta presë në takim edhe të parin e Partisë Demokratike të Kosovës, Memli Krasniqin.
Mes tyre pritet që të flitet edhe për ngjarjet e fundit në veri të Kosovës, ashtu sic ndodhi edhe në takimet me Abdixhikun e Haradinajn.
“Takimi mes kryetarit Krasniqi dhe presidentes Osmani do të ndodhë sot, pasdite. Për detajet nga takimi do të ju njoftojmë pastaj”, ka thënë për KlanKosova.tv, Valmir Klaiqi, drejtor i Komunikimit në PDK.
Policia në Pejë ka kërkuar bashkëpunim nga qytetarët për gjetjen e Drita Colaj, e cila është zhdukur.
” Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të zhdukur në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftim.
Policia ka publikuar edhe fotografinë dhe të dhënat.
Drita Colaj është lindur më 4 janar të vitit 1976 në Zllakuqan të Klinës.

Njoftimi i plotë:
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të zhdukur me autorizim të Prokurorisë Themelore Pejë, me qëllim lokalizimin e tij, lëshon:
Kërkesë për bashkëpunim me qytetarët.
Personi i zhdukur është:
DRITA (Bardhec) COLAJ e lindur me 04.01.1976 në Zllakuqan-Klinё.
PERSON I ZHDUKUR
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të zhdukur në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës: – 192 dhe 080019999 (pa pagesë)/ – 039 432 327-Drejtoria Rajonale Pejë/ – E-mail adresa: [email protected]







