Policia e Kosovës ka konfirmuar rastin e përfshirjes nga zjarri të objektit të shkollës “Skënder Luarasi” në Suharekë.

Policia ka thënë se zjarri është lokalizuar.

“Një aneks, pullazi është përfshirë nga zjarri, ku një kompani është duke i kryer punimet. Zjarrfikësit kanë arritur ta fusin situatën nën kontroll, janë duke e shuar zjarrin dhe janë duke kryer intervenimet e nevojshme. Ende nuk dihet shkaktari, por jemi në vendin e ngjarjes”, ka thënë Afrim Syla nga stacioni policor në Suharekë.

Ai theksoi se nga ky rast nuk ka të lënduar, përpos dëmeve materiale.