Pjanic rikuperohet për ndeshjen ndaj Atleticos, mungon Douglas Costa

Miralem Pjanic do të jetë në dispozicion për ndeshjen e Juventusit në Ligën e Kampionëve kundër Atletico Madridit të mërkurën, ndërsa Douglas Costa do të mungojë për më shumë se 15 ditë.

Pas testeve mjekësore për të dy lojtarët, ‘Zonja e Vjetër’ lëshoi një deklaratë për të informuar se braziliani ka pësuar një dëmtim të kofshës, ndërsa boshnjaku është rikuperuar dhe ka qenë në gjendje të stërvitet të hënën.

Pjanic dhe Douglas Costa u larguan të dy pasi ndienin dhimbje në gjysmën e parë në barazimin 0-0 të Juventusit në Firence të shtunën.

Danilo është një dyshim tjetër për ndeshjen kundër skuadrës së Diego Simeones, megjithëse nuk është e qartë nëse ai do të humbasë përplasjen në ‘Wanda Metropolitano’ apo jo.